கலைக்கழகம்-சமையல்: யோக்கட்

தயவு செய்து எங்களுடைய கலைக்கழகத்தினையும் அதன் மற்றைய பகுதி தொடர்தளங்களையும் யாரும் சொந்தம் அல்லது உரிமை கொண்டாடவேண்டாம் உ தாரணம் http://www.similarsites.com/site/dhushyanthy.blogspot.in ,kalaikalakam-tamil .blogspot.uk kalaikalakam-tamil blogspot.in kalaikalakam-tamil.blogspot.ca இவர்கள் யாவரும் பொய்யானவர்கள் இவர்கள் எங்களுடைய கலைக்கழகத்திற்கு உரிமையானவர்கள் அல்ல இதற்கு பிறகும் இதனைப்போல யாராவது உரிமை கொண்டாடினாலோ அல்லது ஏதாவது எங்களுடைய தளங்களுக்கு தடைகள்,ஊறுகள்,தீமைகள் செய்தாலோ அவர்கள் மீது சட்டப்படி தகுந்த நடவடிக்கை எடுக்கப்படும் அத்துடன் இத்தளம் ஜேர்மனியில் இருந்து வெளிவருகிறது அன்புடன் கலைக்கழகங்களின் நிர்வாகி

Freitag, 12. November 2010

யோக்கட்

யோக்கட் சிறுவர்களுக்கும் பெரியவர்களுக்கும்
மிகவும் பிடித்ததும் பாலில் காணப்படும் சகல

சத்துகளும் நிறைந்ததுமான ஒர் குளிர் உணவு.

தேவையான பொருட்கள்

பால் - ஒரு லிட்டர்
சீனி - 130 கிராம்
ஜெலற்றீன் - ஒரு தேக்கரண்டி
யோக்கற் - ஒரு கப்
யோக்கற் கப் - 30 கப்
தேமோ மீற்றர் - ஒன்று
கொதிநீர் - 4 மேசைக்கரண்டி
தண்ணீர் - தேவையானளவு
ஓகண்டி துணி - தேவையானளவு
கலரிங் - 4 துளிகள் (விரும்பினால்)
எசன்ஸ் - 3 துளிகள் (விரும்பினால்)
இக்குபேற்றர்

செய்முறை
ஒரு பாத்திரத்தில் பால் சீனி ஆகிய
இரண்டையும் போட்டு நன்றாக
கரைத்து கொள்ளவும்.

இன்னொரு பாத்திரத்தில் ஜெலற்றீனை
போட்டு அதன் மேல் 4 மேசைக்கரண்டி
கொதி நீர் விட்டு கலந்து வைக்கவும்.

அதன் பின்னர் அடுப்பில் ஒரு பெரிய
பாத்திரத்தை வைத்து அந்த பெரிய
பாத்திரத்தில் 2/3 பகுதிக்கு
தண்ணீர் விட்டு பால் உள்ள பாத்திரத்தை
அதனுள் வைத்து கொதிக்க வைக்கவும்.

பால் கொதித்தபின்பு பாலின் வெப்பநிலை
யை தேமா மீற்றரினால் அளக்கவும்.
பாலின் வெப்பநிலை 90°c க்கு வந்தவுடன்
அடுப்பை அணைத்து விடவும்.

அடுப்பை அணைத்த பின்பு கொதித்த
பாலை 30 நிமிடத்திற்கு அடுப்பிலே
வைக்கவும்.

அதன் பின்பு அடுப்பிலிருந்து பாலை
இறக்கி ஆறவிடவும் .

பால் ஆற தொடங்கும் போது தேமோ
மீற்றரினால் அளக்கவும்.

பாலின் வெப்பநிலை 60°cக்கு வந்த
பின்பு அதனுடன் ஜெலற்றீன் கலவையை
விட்டு நன்றாக கரைக்கவும் .

நன்றாக கரைத்த பின்னர் ஒரு பாத்திரத்தின்
வாய்ப்பகுதியில் ஓகண்டி துணியை வைத்து
அதன் மேல் கொதித்து ஆறி செலற்றீன் கரைத்த
பாலை ஊற்றி வடிகட்டிக் கொள்ளவும்.

அதன் பின்பு திரும்பவும் பாலினை ஆறவிடவும்.

பால் ஆறி பாலின் வெப்பநிலை 40°c அடையும்
போது யோக்கற் ஒரு கப் இட்டு கரண்டியால்
நன்றாக கலக்கவும்.

கலக்கிய பின்பு கலறிங், எசன்ஸ் கலந்து
யோக்கற் கப்பில் ஊற்றி 40°c வெப்பநிலையில்
5 மணித்தியாலம் இக்குபேற்றரில் வைக்கவும்.

அதன் பின்னர் யோக்கற் இறுகியதும்
இக்குபேற்றரிலிருந்து வெளியே எடுத்து
அறை வெப்பநிலையில் 10 நிமிடம்
வைக்கவும்.

அதன் பின்பு எடுத்து 24 மணித்தியாலம்
குளிரூட்டியில் வைக்கவும்.

பின்பு எடுத்து அறை வெப்பநிலையில்
2 மாத காலத்திற்கு வைத்து பயன்படுத்தலாம்.

மாற்று முறை -
இக்குபேற்றர் இல்லாதவிடத்தில் பெரிய
ரெஜிபோம் பெட்டியை எடுத்து அலுமினிய
தாளை அதன் உட்புறம் எல்லா பக்கங்கலி
லும் விரித்து அதனுள் கொள்ளக்கூடிய
அளவிற்கு யோக்கற் கப்பை பரவலாக
அடுக்கி அதன் பின்பு அதன் மேலாக 3
வரிசைகளுக்கு யோக்கற் கப்புகளை
அடுக்கிப் பெட்டியின் மூலையில் பல்ப்பை
பொருத்தி 2" இடைவெளி விட்டு மூடி 42°c
வெப்பநிலையில் 12 மணித்தியாலத்திற்கு
வைத்து எடுத்து முன்னைய முறையில்
குளிசாதனபெட்டியில் வைத்தெடுக்கவும்.

எச்சரிக்கை -
அஸ்மா, அலர்ஜிநோயாளர் வைத்தியரின்
ஆலோசனைப்படி உண்ணவும்.

கவனிக்க வேண்டிய விசயங்கள் -
பாலின் வெப்ப நிலையை தேமா மீற்றரினால்
அளக்கவும்,

பாலின் வெப்பநிலை 90°c க்கு வந்தவுடன் அடுப்பை
அணைத்து விடவும்,

ஆற தொடங்கி 60°cக்கு பின்பு ஜெலற்றீன் கலவையை
விடவும்,

40°c அடையும் போது யோக்கற் இட்டு கரண்டியால்
நன்றாக கலக்கவும்,

40°c வெப்பநிலையில் 5 மணித்தியாலம்
இக்குபேற்றரில் வைக்கவும்.