காய்கறி போளி

தேவையானவை

 கரட் துருவல் – கால் கப்,  
வேக வைத்து மசித்த உருளைக்கிழங்கு – அரை கப்,
 முள்ளங்கி, முட்டைகோஸ் துருவல் (கலந்தது) – கால் கப், 
 கோதுமை மா– ஒன்றரை கப், 
 பால் – அரை கப், 
 பட்டை – 2 துண்டு,
 சோம்பு – அரை டீஸ்பூன், 
 மிளகாய்த்தூள் – ஒரு டீஸ்பூன், 
 எலுமிச்சைச் சாறு – 2 டீஸ்பூன், 
 நறுக்கிய கொத்தமல்லி – சிறிதளவு, 
 உப்பு – தேவையான அளவு. 

 செய்முறை: 

 ஒரு பாத்திரத்தில் கரட், முள்ளங்கி, 
முட்டை கோஸ் துருவலுடன் உப்பு 
சேர்த்து நன்கு கலந்து 

அந்தக் கலவையை அழுத்தி வைக்கவும். 
 10 நிமிடம் கழித்து அதனை எடுத்து, 
மசித்த உருளைக் கிழங்கு, பட்டை, சோம்பு, 
மிளகாய்த்தூள், எலுமிச்சைச் சாறு, 
நறுக்கிய கொத்த மல்லி, உப்பு சேர்த்து 
நன்கு பிசைந்து கொள்ளவும். 

 கோதுமை மாவுடன் பால், உப்பு சேர்த்து 
சிறிதளவு தண்ணீர் விட்டு மிருதுவாகப் 
பிசைந்து கொள்ளவும். 

பிசைந்த மாவிலிருந்து கொஞ்சம் எடுத்து…

 உருட்டிக் கிண்ணம் போல் செய்து, 
அதனுள் காய்கறி கலவையை வைத்து
 மூடவும். 

 அதனை சப்பாத்திக் கல்லில் இட்டு, சற்று 
கனமாகத் தேய்க்கவும். 

 இதேபோல் ஒவ்வொன்றையும் தேய்த்து 
தயார் செய்த பின் அவற்றை தோசைக்கல்லில் 
போட்டு, மிதமான தீயில் சுட்டெடுக்கவும். • சுவையான காய்கறி போளி ரெடி.