மைக்கிரோவேவ் சிக்கின் கிரேவி

மைக்ரோவேவ் சிக்கன் கிரேவி மிகவும்
சுவையானதும், சத்துக்கள் நிறைந்ததும்
 எல்லோரும் விரும்பக்கூடியதும்,
செய்வதற்கு இலகுவானதும் ஆகும்.


தேவையான பொருட்கள் 
கோழி துண்டுகள் - 250 கிராம்
அரைத்தவெங்காயவிழுது - 2
அரைத்த தக்காளிவிழுது- 1
மிளகுத்தூள் - தேவையானளவு
மல்லி(தனியா)தூள் - அரை தேக்கரண்டி
மஞ்சள்தூள் - கால் தேக்கரண்டி
பால் - (1 - 2) கப்
தயிர் - 1தேக்கரண்டி
எண்ணெய் - 2 மேசைக்கரண்டி
அரைத்த இஞ்சி விழுது - கால் மேசைக்கரண்டி
அரைத்தஉள்ளி(பூண்டு) விழுது- கால் மேசைக்கரண்டி

உப்பு - தேவையானளவு

செய்முறை 

ஒரு பாத்திரத்தில் கோழிதுண்டுகள்,
உப்பு, மஞ்சள் தூள், இஞ்சிவிழுது,
உள்ளி(பூண்டு)விழுது ஆகியவற்றை
போட்டு நன்றாக கலக்கவும்.

அதன் பின்னர் கலந்தவற்றுடன்  தயிர்
சேர்த்து இறுக்கமான மூடி போட்டு மூடி
மைக்ரோவேவ் அவனில் 5 நிமிடங்கள்
ஹையில் அவிக்கவும்.

பிறகு அந்த பாத்திரத்தை திறந்து அவற்றுடன்
மிளகுத்தூள், மல்லித்தூள்(தனியாத்தூள்),
அரைத்ததக்காளிவிழுது, அரைத்தவெங்காய
விழுது, பால் ஆகியவற்றை சேர்த்து கலந்து
மூடி 3 நிமிடங்கள் ஹையில் வைக்கவும்.

முன்று நிமிடங்களின் பிறகு மைக்ரோவேவ்
அவனில் இருந்து பாத்திரத்தை  வெளியில்
எடுத்து அதன் மூடியை திறந்து விட்டு திருப்பி
மைக்ரோவேவ் அவனில் 3 நிமிடங்கள் மீடியம்
ஹையில் வைக்கவும்.

3 நிமிடங்களின்  பிறகு மைக்ரோவேவ் அவனை
நிறுத்தி விட்டு பாத்திரத்தை 2 நிமிடங்கள்
மைக்ரோவேவ் அவனில் அப்படியே
வைக்கவும்.

அதன் பின்பு சுத்தமான சுவையான சத்தான
மைக்ரோவேவ் சிக்கன் கிரேவி தயாராகி
விடும்.

தயாரான பின்னர் ஒரு தட்டில் சோற்றினை
(சாதத்தை)வைத்து அதனுடன் சுத்தமான
சுவையான சத்தான மைக்ரோவேவ் சிக்கன்
கிரேவியை வைத்து பரிமாறவும்


கவனிக்க வேண்டிய விஷயங்கள் 
கோழிதுண்டுகள் அவிந்துவிட்டதா என
கவனிக்கவும்.